Vorwort zu 1508 Montalboddo: Paesi ... (=Newe vnbekanthe landte)

• Fracanzano da Montalboddo
  Newe vnbekanthe landte Und ein newe weldte in kurtz verganger zeythe erfunden.
  Ins Deutsche übersetzt und herausgegeben von Jobst Ruchamer. [68] Bl. Nürnberg 1508 : Georg Stüchß. Online
  → Literaturliste Reisesammlungen

Nachdem mir etwan in kurtz vergangen tagen einer meiner guten fründe/ dyfes büchlein (in wellischer sprache gemachte) uberantworte/ an mich begerēde sulches in deutsche sprache zu bryngen/ der maynunge und wyllens dasselbyge darnach myt schriften auf zu drucken/ als dann beschehen/ wurde ich yrzgemeltes büchlein zum tayle verlessen/ vnd in den winden so wunderbarliche vnd byßhere vnerhörte dinge/ welche auch an etlichen orten den geschrifften der alten Natürlichen Mayster vnd hochgelerten wyderwertige sein/ in deme/ das ist/ so sie geschryben haben unther etlichen kraissen des hymels (auff den erdtriche) kain womunge der menschen zu sein.

Welches dyfe rayße ader schyeffarthe so gethan ist worden auß geschicke ader bevehle der allerdurchleuchtigsten küngen zu porthugal vnd Hispania/ klerlichen anders anzaigte/ nach Inhalte dyses Büchleins/ dann sie an den selbigen ovthen ge­finden haben / wunderbarliche schöne vnd lustige Inseln mit nackenden schwarzen lewten Seltzamer vnd vnerhörten sitten vnd weyse/ auch seltzamen wunderlichen thyeren/ geflügeln/ köstlichen bawmen/ spetzereyen/ mancherley edeln gestayne/ berlen vnd golde/ welche bey uns hoch geacht/ vnd daselbste beyj inen gemayn sein.

Als ich aber sulches in dysem büchlein befunde gedachte ich dysem obgemelthen meynem guten frunde zu gefallen zu werden/ vnd dyses Büchlein in dewtsche sprache zu bringen / vnd also etwan zu meinen müessigen zeyten/ so ich mochte gehaben/ derwtschte ich dyfes büchlein myt der zeyte/ bys zu dem ende.

Auff das meniglich erkennen vnd erkündigen mochte/ die grossen wunderbarlichen wunder gottes des almechtigen/ der die welte mit so mancherley geschlechten der menschen/ landen/ Inseln vnd seltsamen creaturen (wie oben angezaygt ist) erschafffen und gezyerthe hat/ welches alles vor dyser zeite/ bey der Christenhaythe vnd vnser natione ift unbekante gewesen.

Und auch welches vast wunderbarlich ist/ das die Chriften sulche weythe/ verliche/ unbekanthe vnd wunderbarliche rayße ader schieffarthe gethan haben.

Welches nach der ordenung dyfes büchleyn/ das do gesandte wyrt/ Dye newe weldte/ alles in nach volgenden klerlychen … [Textverlust im Papier]